„საერთაშორისო გამჭვირვალობა - საქართველო" პროექტის „გამჭვირვალე და ანგარიშვალდებული პოლიტიკური ფინანსები საქართველოში" ფარგლებში „პოლიტიკური პარტიების ფინანსები 2012 წელს" ანგარიში გამოქვეყნა.
კვლევის თანახმად, ,,ნაციონალური მოძრაობის" 397 და ,,ქართული ოცნების" 33 შემომწირველს ბიზნესთან კავშირი აქვს. მიუხედავად იმისა, რომ პოლიტიკური პარტიების შემომწირვებელი - 2012 წელს პოლიტიკური პარტიების შემომწირველები მხოლოდ ფიზიკური პირები იყვნენ, რადგანაც იურიდიული პირებისაგან შემოწირულებების მიღება კანონით აიკრძალა. არსებულ მონაცემთა ანალიზით დადგინდა, რომ ,,ერთიანი ნაციონალური მოძრაობის" 397, ,,ქართული ოცნების" 33 და სხვა პოლიტიკური გაერთიანებების 10-მდე შემომწირველს გარკვეული კავშირი აქვს ბიზნესთან.
როგორც „საერთაშორისო გამჭვირვალობა- საქართველო"-ს ანგარიშშია წარმოდგენილი სამშენებლო კომპანია „მოდერნ-ჰაუზი", რომლის ორმა წარმომადგენელმა ,,ერთიან ნაციონალურ მოძრაობას" 117 000 ლარი შესწირა; ასევე, ვლადიმერ გურგენიძემ, რომელიც „ლიბერთი ჰოლდინგ ჯორჯიას" პარტნიორია და თემურ კოხოძემ, რომელიც „თეგეტა მოტორსის" შვილობილი კომპანიების პარტნიორია ყოფილ მმართველ გუნდს 60 - 60 ათასი ლარი შესწირეს, ,,ერთიან ნაციონალურ მოძრაობას" ამდენივე შესწირა ეკატერინე ჩხაბერიძემ, რომელიც „გუდვილის"გენერალური დირექტორია.
