ათი თვის ბარბარე რაფალიანცის საქმეში ახალი დეტალი გამოიკვეთა. გარდაცვლილი ბავშვის ოჯახის ინფორმაციით, სოფელ კოლაგში, სადაც ტრაგედია დატრიალდა, ქვევრიდან წყლის ამოღვრის დროს ფსკერზე ცისფერი სპორტული ჩანთა იპოვეს.
ბარბარე რაფალიანცის ბებიის თინა მექერიშვილის თქმით, ჩანთა ოჯახის არცერთ წევრს არ ეკუთვნის და შესაძლოა ის ბავშვის მკვლელის იყოს.
მისივე ინფორმაციით, ქვევრიდან ამოღებული ჩანთა გამომძიებლებმა ექსპერტიზაზე წაიღეს, თუმცა ამ დრომდე ოჯახისთვის შედეგი უცნობია.
ბარბარე რაფალიანცის ოჯახი კიდევ ერთხელ მიმართავს ხელისუფლებას და საქმის დროულად გახსნას სთხოვს.
