სასჯელაღსრულების სამინისტრო სახალხო დამცველის #19 დაწესებულებისადმი გამოთქმულ შენიშვნებს პასუხობს. როგორც უწყებაში გამართულ პრესკონფერენციაზე მინისტრის მოადგილემ არჩილ თალაკვაძემ განაცხადა # 19 დაწესებულებაში პატიმრების მკურნლაობა სრულფასოვნად მიმდინარეობს.
,,პირველი შენიშვნა, რომელიც სახალხო დამცველის მიერ იყო გამოთქმული არის ის, რომ ტუბერკულოზული მედიკამენტები აზიანებს სხვადასხვა ორგანოებს და ამ გვერდითი ეფექტების მედიკაცია და მკურნალობა მსჯავრდებულებს არ მიეწოდება. Aაქ მინდა ვთქვა, რომ მკურნალობის სტანდარტი ციხეში არის ზუსტად იგივე, თანაბარი რაც არის სამოქალაქო სექტორში, რაც ეროვნული პროგრამით ხორცილდება. Aამ გაიდლაინებში რომელიც ხელთ მაქვს არსად არ წერია, რომ იგივე ღვიძლთან დაკავშირებით გვერდით მოვლენებზე სხვა მედიკამენტებით უნდა მოხდეს ინტერვენცია", _განაცხადა თალაკვაძემ, რომელიც სახალხო დამცველის სხვა შენიშვნებს ეხმიანება.
,,მეორე პრეტენზია, თითქოს დირექტორის თანხმობის გარეშე მედპერსონალი ვერ ახორცილებს სამედიცინო საქმიანობას და მედიკამენტები არასაკმარისია. Dდაწესებულებას ჰყავს ახალი თანამედროვე ტიპის მენეჯერი, რომელსაც აქვს განათლება საზოგადოებრივი ჯანდაცვის მენეჯმენტის სფეროში", -განაცხადა თალაკვაძემ და აღნიშნა, რომ სამედიცინო პერსონალი არის გადაწყვეტილების მიღებაში სრულიად დამოუკიდებელი და ციხის ადმინისტრაციას ამაში არ ერევა.
თალაკვაძის განცხადებით ანტიტუბერკულოზულ მედიკამენტებზე მოთხოვა 100% დაკმაყოფილებულია. რაც შეეხება არატუბერკულუზულ მედიკამენტებს თალაკვაძის განცხადებით ამ მიმართულებით დანახარჯი ორჯერ გაიზარდა.
მინისტრის მოადგილე ასევე კატეგორიულად უარყოფს ინფორმაციას, თითქოს საპატიმროებში კარგ საკვებს მხოლოდ მაშინ ამზადებენ, როცა მაღალი რანგის თანამდებობის პირები მიადიან.
თალაკვაძის განცხადებით, ასევე გაუმჯობესებულია პატიმრების კვების რაციონი და კალორიული მაჩვენებელი.
