"ნაციონალური მოძრაობის" გენერალური მდივანი ვანო მერაბიშვილი ხელისიუფლებას მოუწოდებს, რაბათის კომპლექსის წინააღმდეგ ბრძოლა შეწყვიტოს.
როგორც მან დღეს ოარტიის ოფისში განართულ საგანგებო ბრიფინგზე აღნიშნა, 1 ოქტომბრის არჩევნების შემდეგ, დღევანდელმა ხელისუფლებამ მისთვის და საზოგადოებისთვის სრულიად გაუგებარი მიზეზების გამო, ახალციხის რაბათის კომპლექსის წინააღდმეგ დაიწყო ბრძოლა.
მისი თქმით, ჯერ იყო და ამ ობიექტზე ყველაფერი დაიხურა. 165-მა ადამიანმა დაკარგა სამუშაო ადგილი.
"შემდეგ იქ დარჩენილ მომუშავე პერსონალს ორჯერ, სამჯერ და ზოგს ოთხჯერ შეუმცირეს ხელფასი. დაკითხეს ყველა მშენებელი, ყოფილი გამგებელი და მათ წინაააღმდეგ აღძრეს სისხლის სამართლის საქმეები და ბოლოს გადაწყვიტეს და გამოვიდნენ ინიციატივით, რომ შეეცვალოს იერსახე რაბათის კომპლექსს, შეიცვალოს მასალები", - განაცხადა მერაბიშვილმა.
მისი თქმით, ასევე გამოითქვა საყვედური, რომ რაბათს ძველი იერსახე დაეკარგა.
მერაბიშვილის განცხადებით, ბოლო თვეების განმავლობაში, აღნიშნული იქცა თითოეული ახალციხელის და თითოეული მოქალაქის სიამაყედ კომპლექსი.
"სწორედ ამ ისტორიულ ძეგლზე დაყრდნობით დაიწყო რეგიონმა განვითარება, დაიწყო მშენებლობა, რამდენიმე სასტუმროს მშენებლობა მოესწრო. მინდა მოვუწოდო, თუ გნებავთ, ვთხოვო დღევანდელ ხელისუფლებას, რომ შეწყვიტოს რაბათის წინააღმდეგ ბრძოლა. მესმის, რომ ეს ისტორიული კომპლექსი ჩემს სახელთან არის ასოცირებული, მაგრამ ეს არის ახალციხის და მთლიანად სამცხის მომავალი განვითარების საფუძველი. დაუშვებელია მისი მოშლა", - აღნიშნა ვანო მერაბიშვილმა.
მისივე თქმით, თუ ხელისუფლებას რაიმეს გაკეთება სურს, კომპლექსის მიმდებარე ტერიტორიაზე ბევრი რამ დარჩა გასაკეთებელი.
"თუ ხელისუფლებამ გადაწყვიტა ნაცვლად განახლებისა, ჩვენს მიერ აშენებული დაანგრიოს, გააფუჭოს, შეცვალოს, ჩემს პირად მეგობრებთან ერთად გავაკეთებ მოძრაობას ახალციხის რაბათის გადასარჩენად და ყვეკაფერს გავაკეთებ იმისთვის, რომ ეს დიდი მონაპოვარი საქართველომ შეინარჩუნოს", - განაცხადა მერაბიშვილმა და დასძინა, რომ მოხარული იქნება, თუკი ხელისუფლება უფრო გააკეთებს ვიდრე ყოფილმა ხელისუფლებამ გააკეთა.