თედო ჯაფარიძე იმ მიზეზებს განმარტავს რის გამოც შესაძლოა პრეზიდენტი მასთან ერთად სხვა ელჩების კანდიდატურებსაც ბლოკავს. როგორც ,,ჯი-ეიჩ-ენთან" საუბარში პარლამენტის საგარეო ურთიერთობათა კომიტეტის თავმჯდომარემ თედო ჯაფარიძემ განამარტავს შესაძლებელია მიხეილ სააკაშვილს ის რამდენიმე მიზეზის გამო არ მოსწონდეს.
,,მე რას მერჩის პრეზიდენტი, არ ვიცი, ეს მას უნდა ჰკითხოთ. შეიძლება ვივარაუდოთ, რომ არ ვუყვარვარ, არ მოსწონს ჩემი კანდიდატურა, ან ძალიან ვუყვარვარ და არ უნდა წავიდე და უნდა ვიყვე მასთან ახლოს გეოგრაფიულად ესეც ხომ შეიძლება. შეიძლება პრეზიდენტს ჩემთან მიმართებაში პოლიტიკური მოსაზრებები აქვს და ფიქრობს, რომ სანდო არ ვარ. თუმცა ამ მხრივ მინდა შევახსენო, რომ მე ვიყავი მისი პირველი საგარეო საქმეთა მინისტრი ,,ვარდების რევოლუციის" შემდეგ", _განაცხადა თედო ჯაფარიძემ, რომელიც ,,ჯი-ეიჩ-ენის" შეკითხავს, რომ შესაძლოა მიხეილ სააკაშვილმა თედო ჯაფარიძეს ის ვერ აპატია რომ მისი გუნდის წევრი ბიძინა ივანიშვილის თანამებრძოლი გახდა ასე პასუხობს.
,,ნუ მისი გუნდის წევრი არც ვყოფილვარ. საგარეო საქმეთა მინისტრი მხოლოდ ოთხი თვე ვიყავი. მაშინ ასე შევარდნაძის გუნდის წევრი უფრო ვიყავი, ვიდრე სააკაშვილის. ასე ვთქვათ Mმე ვიყავი საქართველოს გუნდის წევრი. შეიძლება ესეც, ან შეიძლება სხვა რამ არ მოეწონა. შესაძლოა პრეზიდენტს ჩემი თმის ვარცხნილობა არ მოსწონს, თმები არ მაქვს მელოტი ვარ, შესაძლოა ჩემი პუბლიკაციები არ მოეწონა, ჩემზე გაღიზიანებულია. შესაძლებელია პირიქითაც არის და მოვწონვარ და არ უნდა საქართველო დავტოვო", _განაცხადა თედო ჯაფარიძემ, რომელიც შეკითხვას პრეზიდენტს თუ მხოლოდ თედო ჯაფარიძე არ მოსწონს, მაშინ მხოლოდ მას დაბლოკავდა და არა სხვა ელჩობის კანდიდატურებს ასე პასუხობს.
,,შესაძლებელია, მას არ უნდა გამოჩნდეს რომ ებრძვის კონკრეტულ პიროვნებას. სად პრეზიდენტი და სად თედო ჯაფარიძე. Dდონეებსა და პოლიტიკურ ,,წონაში" განსხვავებებია. ხომ იცით ჩვენს პრეზიდენტს აკვიატებები სჩვევია და შესაძლებელია ამგვარი რამ დაემართა", _განაცხადა თედო ჯაფარიძემ.
შეგახსენებთ, რომ საქართველოს ხუთ ქვეყანაში ელჩი არ ჰყავს. თედო ჯაფარიძეს რაც შეეხება ის ელჩის თანამდებობაზე დიდი ბრიტანეთშია წარდგენილი.