,,სამხედრო წარუმატებლობების ერთ-ერთი მიზეზი ის იყო, რომ არაპროფესიონალი პოლიტიკოსები ერეოდნენ სამხედრო გადაწყვეტილებების მიღებაში", _განაცხადა ჟურნალისტებთან შეხვედრისას თავდაცვის მინისტრმა ირაკლი ალასანიამ და აღნიშნა, რომ ეს ფუნქცია მთლიანად გაერთიანებული შტაბის ხელმძღვანელობამ გადაიბარა.
,,ჩვენ განვახორციელეთ რიგი ცვლილებები ჩვენს უწყებაში, რომელიც ითვალისწინებს ფუნქციების, უფლება-მოვალეობების სწორად გამიჯვნას. ძალიან მნიშვნელოვანია, რომ თავდაცვის სამინისტროს სამოქალაქო ნაწილი ახორციელებს რა პოლიტიკურ სამოქალაქო ზედამხედველობას შეიარაღებულ ძალებზე, ის არ ერეოდეს სამხედროების საქმეებში. ერთ-ერთი მთავარი პრობლემა სწორედ ჩვენი სამხედრო წარუმატებლობების მათ შორის იყო ის, რომ არაპროფესიონალი პოლიტიკოსები ერეოდნენ სამხედრო გადაწყვეტილებების მიღებაში და იძლეოდნენ ბრძანებებს მათ შორის, როდესაც მიმდინარეობდა საომარი კონფლიქტი. აქედან გამომდინარე ძალიან მკაცრად გაიმიჯნა სამხედრო გადაწყევტილების მიღება, რომელიც სრულფასოვნად თავის თავზე აქვს აღებული გაერთიანებულ შტაბს, მის ხელმძღვანელობას", -განაცხადა ალასანიამ.
