,,უახლოეს მთავრობის სხდომაზე ვიმსჯელებთ როგორი სტატუსი უნდა ჰქონდეს ვეტერანთა დეპარტამენტს", _განაცხადა თავდაცვის მინისტრმა ირაკლი ალასანიამ ჟურნალისტებთან შეხვედრისას და აღნიშნა, რომ წინა ხელისუფლების შეცდომა იყო როცა ვეტერანთა დეპარტამენტი გაერთიანებულ შტაბს დაუქვემდებარეს.
,,შევქმენით სამთავრობო კომისია, თავდაცვის სამინისტროს ინიციატივით, რომელიც მუშაობს ჯანდაცვისა და სოციალური უზრუნველყოფის სამინისტროში რომლის წევრი ჩვენც ვართ, შსს და სხვა დაინტერესებული უწყებები. სულ რამდენიმე დღის წინ გვქონდა კიდევ ერთი შეხვედრა მინისტრების დონეზე და განვიხილეთY ეს საკითხი პრემიერ-მინისტრთან ბოლო მთავრობის სხდომაზე და უახლოეს მთავრობის სხდომაზე უკვე გატანილი იქნება საკითხი. მე პირდაპირ გეტყვით არ დაგიმალავთ სამი ვარიანტი განიხილება და გეტყვით მე რომელ ვარიანტს ვუჭერ მხარს. პირველი ვარიანტია, რომ ვეტერანთა დეპარტამენტი დარჩეს თავდაცვის სამინისტროს უწყებაში, მაგრამ გამოვიდეს გაერთიანებულ შტაბიდან და გადავიდეს სამოქალაქო ნაწილში, ანუ ერთ-ერთ მოადგილეს დაექვემდებაროს, მეორე_ უწყებრივი დაქვემდებარება გადავიდეს ჯანდაცვის სამინისტროსთან და მესამე ვარიანტია შეიქმნას დამოუკიდებელი უწყება, რომელიც დაექვემდებარება მთავრობისა და პრემიერ-მინისტრს", _განაცხადა ალასანიამ და აღნიშნა, რომ თავდაცვის სამინისტროს პოზიციაა, რომ ვეტერანთა დეპარტამენტი დამოუკიდებელ უწყებად ჩამოყალიბდეს.