დღეს, 2 აპრილს, თბილისი საქალაქო სასამართლოში თავდაცვის ყოფილი მინისტრის ბაჩო ახალაიას და მასთან ერთად ბრალდებული 7 პირის სასამართლო პროცესი განახლდება.
"სხდომაზე ბრალდების მხარე წარმოადგენს მტკიცებულებებს და დაიწყება მათი გამოკვლევა. კერძოდ, მოწმეების დაკითხვა", - განუცხადა "ჯი-ეიჩ-ენს" ადვოკატმა გოგიტა გაბაიძემ.
ბაჩო ახალაიას მეორე ადვოკატის მალხაზ ველიჯანაშვილის განცხადებით, ვინაიდან საქმეში სამი ეპიზოდი არსებობს, მათ მოითხოვეს, რომ ჯერ ერთ ეპიზოდთან დაკავშირებით დაკითხონ მოწმეები და შემდეგ დანარჩენზე.
მისი თქმით, აღნიშულ შეთავაზებაზე ბრალდების მხარემ უარი განაცხადა.
22 მარტის სასამართლო სხდომაზე ადვოკატებმა შესავალი სიტყვა წაიკითხეს, რისთვისაც წინა პროცესზე გონივრული ვადა ითხოვეს.
თავდაცვის ყოფილ მინისტრსა და მასთან ერთად ბრალდებულ შვიდ პირს სამსახურებრივი უფლებამოსილების გადამეტებასა და თავისუფლების უკანონოდ აღკვეთაში ედებათ ბრალი.
