სანკტ-პეტერბურგში გამართულ ერთ ქურდულ შეკრებაზე, რომელსაც მხოლოდ სამი "კანონიერი ქურდი" მართავდა ქართველი ავტორიტეტი გიორგი ჯანელიძე სცემეს. გავრცელებული ინფორმაციით, შეკრება სანქტ-პეტერბურგის ერთ-ერთ რესტორანში მიმდინარეობდა.
აღნიშნული "მეგობრული" შეკრების შედეგად 39 წლის ჯანელიძე ანუ იგივე გოგი პიტერსკი საავადმყოფოში მოხვდა. ჯანელიზე დედ ჰასანის კრიმინალური კლანის წევრია.
აღნიშნულ შეკრებას ჯანელიძის გარდა ორი "შთამომავლობითი" "კანონიერი ქურდი - გურამ ჩიხლაძე იგივე კვეჟოევიჩი და სერგეი ასატრიანი იგივე ასეტრინა ესწრებოდნენ. ორივე მათგანი დღეისათვის "კანონიერი ქურდების" ახალგაზრდა თაობას ეკუთვნის.
აღნიშნული ინციდენტის შესახებ ცნობილია მხოლოდ ის, რომ არც გურამს და არც სერგეის ჯანელიძის ფიზიკურ შეურაცხყოფაში მონაწილეობა არ მიუღიათ, მათ არც ხელი შეუშლიათ იმისათვის, რომ მათი თანამესოფრე საავადმყოფოში მოხვედრილიყო.
ახლა კი, დედ ჰასანის კლანის წევრები კვეჟოევიჩისა და ასატრინისათვის პრეტენზიის წაყენებას გეგმავენ იმის გამო, რომ მათ "მოძმის" დასაცავად არაფერი იღონეს.
მასალის გამოყენების პირობები
