განათლების მინისტრის გიორგი მარგველაშვილის განცხადებით, აგრარულმა უნივერსიტეტმა ხარვეზები გამოასწორა და მას ავტორიზაცია უახლოეს მომავალში მიენიჭება.
აღნიშნული განაცხადება მარგველაშვილმა სამინისტროში განაცხადა, სადაც ის დიპლომატიური კორპუსის და არასამთავრობო ორგანიზაციების წარმომადგენლებს ხვდება.
როგორც მინისტრი აღნიშნავს, ის 12 მარტს მიღებული გადაწყვეტილების გაუქმების აუცილებლობას ვერ ხედავს.
"ხაზს ვუსვამ, რომ გამოასწორეს ყველა შეცდომა. მანამდე რაღაცა დარღვევები იყო, ის მანამდე გამოასწორეს, რაც დარჩა დარღვევები ისიც ახლა უკვე გამოასწორეს. რის საფუძველზე უნდა გავაუქმოთ ცოტა ძნელი სათქმელია. თუ რაღაცა არის გამოსწორებული კი არ უნდა გავაუქმოთ, უნდა მივანიჭოთ", - განაცხადა მარგველაშვილმა.
ამასთან, აგრარული უნივერსიტეტის სტუდენტები 12 მარტს მიღებული გადაწყვეტილების გადახედვას მოითხოვენ და აცხადებენ, რომ უნივერსიტეტს ავტორიზაცია ხელახლა კი არ უნდა მიენიჭოს, არამედ უნდა აღუდგეს.
