უახლოესი სამი დღის განმავლობაში ამინდის გაუარესებაა მოსალოდნელი. როგორც "ჯი-ეიჩ-ენს" ამინდის პროგნოზირებისა და მონიტორინგის ცენტრში განუცხადეს,17 მარტს დედაქალაქში დღის ბოლოს დასავლეთის მიმართულების ძლიერი ქარია მოსალოდნელი.
სინოპტიკოსების განცხადებით,18 მარტს დღის პირველ ნახევარში მცირე წვიმაა მოსალოდნელი. ასევე, დღისით იქროლებს დასავლეთის მიმართულების ქარი 25-27მ.წმ. ღამით კი ქარის სიჩქარე 20-25მ/წმ იქნება.
რაც შეეხება 19მარტს, სინოპტიკოსების ვარაუდით, ქარი ჩადგება და მთელი დღის მანძილზე ღრუბლიანობა შენარჩუნდება.
ხოლო შემდეგი 3 დღე უმეტესად უნალექო ამინდებია მოსალოდნელი და ტემპერატურა მოიმატებს.
უახლოესი დღეების განმავლობაში დასავლეთ საქართველოში მოსალოდნელია ტემპერატურის კლება, ხოლო აღმოსავლეთ საქართველოში შედარებით სითბო შენარჩუნდება.