მთავრობის ყოფილი საპარლამენტო მდივანი გია ხუროშვილი საბურთალოს რაიონის გამგებლად დაინიშნა. დიდუბის რაიონის გამგეობას კი, ლევან მხეიძე უხელმძღვანელებს.
ახალი გამგებლები დღეს თბილისის მერმა გიგი უგულავამ დედაქალაქის მთავრობის სხდომაზე წარადგინა.
თბილისის მერმა ქალაქის მთავრობის სხდომაზე დედაქალაქის ორი რაიონის გამგებელი წარადგინა, საბურთალს გამგებელი გია ხუროშვილი, ხოლო დიდუბეში ლევან მხეიძე იქნება.
ასევე ახალი ხელმძღვანელი ეყოლება დედაქალაქის არქიტექტურის სამსახურს, მას მალხაზ კუნელაური უხელმძღვანელებს.
უგულავამ ახალ გამგებლებს მოუწოდა მთელი პასუხისმგებლობით მოეკიდონ დაკისრებულ მოვალეობას და მოუსმინონ თითოეულ მოქალაქეს რათა მათი სოციალურო პრობემების დროულად მოგვარება მოხდეს.
„დღეს დიდუბისა და საბურთალოს გამგებლები წარვადგინეთ. ბატონი ლევან მხეიძე უხელმძღვვანელებს დიდუბის გამგეობას და ბატონი გია ხუროშვილი ჩაუდგება სათავეში საბურთალოს გამგეობას. გიას საზოგადოება კარგად იცნობს მთელი ამ წლების განმავლობაში ის იყო საქართველოს მთავრობის საპარლამენტო მდივანი და მე როგორც საქმეში ჩახედულმა ადამიანმა შემიძლია ვთქვა, რომ ის იყო ავტორი ძალიან ბევრი მნიშვნელოვანი კანონისა, რომელმაც ფუნდამენტურად შეცვალა სამართლებრივი სისტემა. ის იყო მუდმივად ჯანსაღი, კარგი ოპონენტი ჩვენს შიგნით. მე მინდა ყველა გამგებლის მისამართით ვთქვა, რომ ჩვენს მიზანს წარმოადგენს პირველ რიგში არამარარტო ასვალტის დაგება თუ სხვა კეთილმოწყობის საკითხების მოგვარება, არამედ დღეს როგორც არასდროს პირველ რიგში უნდა მკოვუსმინოთ თითოეულ უბანში, თითოეულ თბილისელს და გავიზიაროთ მათი სატკივარი, მათი პრობელემები",-განაცხადა თბილისის მერმა.