"ჯიპიაი ჰოლდინგი" თავის მომხმარებელს თვისობრივად ახალი ტიპის ავტოდაზღვევას სთავაზობს: პოლისი ავტოსტანდარტით შესაძლებელია ავტომობილის დაზღვევა თვეში სულ რაღაც 28 ლარად. დაზღველი რისკია ავტოავარია და აქედან გამომდინარე ფინანსური დანაკარგი. პოლისით ანაზღაურდება თანხა 5,000 ლარის ფარგლებში.
პოლისი ავტოსტანდარტის უპირატესობა ის არის, რომ შესაძლებელია 1993 წლიდან გამოშვებული ავტომობილების დაზღვევა - რაც პირველად ხდება საქართველოში.
"დღეს ძირითადად მაქსიმუმ 20 წლის წინ გამოშვებული ავტომობილების დაზღვევას თუ მოახერხებთ. აღსანიშნავია ის ფაქტი, რომ ძალიან დიდია იმ ავტომობილების რაოდენობა, რომელთა ასაკი 20 წელზე მეტია და ეს სეგმენტი მოკლებული იყო შესაძლებლობას, დაზღვეული ჰქონოდა ავტომობილი. სწორედ ამ სეგმენტის ავტომობილებზეა გათვლილი ეს პროდუქტი, თუმცა სხვა - უფრო ახალი ავტომობილის მფლობელმაც შეიძლება რომ შეიძინოს პოლისი ავტოსტანდარტი. ჩვენ შევეცადეთ, პოლისის ფასი მაქსიმალურად ხელმისაწვდომი ყოფილიყო და პოლისის გაფორმების პროცედურა - გამარტივებული: პოლისი ადგილზევე ფორმდება და კლიენტს აღარ უწევს სხვა პროცედურების გავლა"- აცხადებს ჯიპიაი ჰოლდინგის საზოგადოებასთან ურთიერთობის სამსახურის უფროსი თინათინ სტამბოლიშვილი.
პოლისი ავტოსტანდარტთან ერთად ავტომფლობელებს საშუალება აქვთ შეიძინონ პასუხისმგებლობის დაზღვევაც, რაც თვეში 5 ლარი ღირს და 5,000 ლარის ლიმიტით უნაზღაურებს თანხას დაზარალებულ მხარეს (თუკი ავტოავარია დაზღვეული ავტომფლობელის ბრალეულობით მოხდა).
პოლისის პრეზენტაცია - "დააზღვიე ძველი მეგობარი" 16 მარტს გაიმართება თბილისი მოლში, 15:00 საათზე. გაიმართება შეჯიბრი დისტანციური ავტომანქანების მართვაში, გათამაშდება სხვადასხვა პრიზი. შეჯიბრში მონაწილეობა ყველა მსურველს შეუძლია.