ანსამბლი ,,სუხიშვილები" მოსკოვში კონცერტის გამართვას არ გეგმავს. ამის შესახებ ,,ჯი-ეიჩ-ენთან" საუბარში ანსამბლის მენეჯერმა ხატია ეკიზაშვილმა განაცხადა და აღნიშნა, რომ ,,სუხიშვილებს" მოსკოვში კონცერტის ჩასატარებლად მოწვევა 2008 წლიდან მოყოლებული აქვს, თუმცა შემოთავაზებაზე უარს აცხადებენ.
,,სუხიშვილები" მოსკოვში კონცერტის გამართვას არ გეგმავს. ახლა ანსამბლი გასტროლზეა უკრაინაში, მოლოდოვასა და ბელორუსიაში და საქართველოში დაბრუნების შემდეგ კონცერტი თბილისში გაიმართება. რუსეთში გასტროლისთვის ანსამბლს 2008 წლიდან მოყოლებული დღემდე არაერთი შემოთავაზება აქვს, თუმცა იცით რომ ,,სუხიშვილებს" მოსკოვში კონცერტი არ გაუმართავს. ვიცით, რომ ,,ერისიონი" მოსკოვშია, პრინციპში ვერც გავკიცხავთ, რადგან ეს მათი პროფესიაა. თუმცა ქალბატონი ნინო და ,,სუხიშვილების" ხელმძღვანელობა მიიჩნევს, რომ არაა ის სიტუაცია, რომ რუსეთში გასტროლზე წავიდეთ", -განაცხადა ხატია ეკიზაშვილმა.
შეგახსენებთ, რომ სოციალურ ქსელში გავრცელდა ინფორმაცია, რომ ანსამბლი ,,სუხიშვილები" მოსკოვში კონცერტის გამართვას გეგმავს.
მასალის გამოყენების პირობები