ცხვირის ფორმის შეცვლის ოპერაციები ირანის ისლამურ რესპუბლიკაში შვიდჯერ უფრო მეტად ტარდება, ვიდრე ამერიკის შეერთებულ შტატებში. ამ სტატისტიკის მიხედვით, ირანმა მსოფლიო რინოპლასტიკის ცენტრის სტატუსი მიიღო.
მიუხედავად იმისა, რომ ოპერაციის ღირებულება საშუალოსტატისტიკური ირანელის ხელფასს ხუთ-ექვსჯერ აჭარბებს, ირანელები ცხვირის ოპერაციის გაკეთებას მაინც ახერხებენ. ისლამურ რესპუბლიკაში რინოპლასტიკას წელიწადში 200 ათასი პაციენტი მიმართავს და მათი უმრავლესობა ქალია. ყველაზე ხშირად ცხვირის ფორმის შესასცვლელად ესთეტიკური ქირურგიის სპეციალისტებს ირანელი ქალბატონები ქორწინების წინ მიმართავენ, თუმცა, არც ისე იშვიათი შემთხვევებია, როცა ქირურგებთან მშობლებს 14-15 წლის გოგონებიც მიჰყავთ, რომელნიც დაბალი თვითშეფასების გამო ღელავენ. ამის შესახებ „მაილ ონლაინი" წერს.
ამ დროისათვის, თეირანში მხოლოდ 157 ლიცენზირებული პლასტიკური ქირურგია, თუმცა, ბევრად მეტი ულიცენზიოდ მუშაობს და როგორც ვარაუდობენ, მათი რიცხვი 7 ათასამდეა. ამის გამო, გახშირდა ისეთი შემთხვევებიც, როცა ოპერაციის შემდეგ პაციენტებს სასუნთქი გზების ან კანის დაავადებები აღენიშნებათ, მაგრამ ამ ექიმებს მაინც ბევრი აკითხავს, რადგან მათთან რინოპლასტიკა გაცილებით იაფი ღირს.