დევნილთა მინისტრმა დავით დარახველიძემ მარტყოფში არსებული თავშესაფრის მაძიებელთა მიმღები ცენტრი დაათვალიერა. აღნიშნული ცენტრი 2010 წლიდან ფუნქციონირებს და გათვლილია 60 ზრდასრული ადამიანზე. ამჟამად, მიმღებ ცენტრში 54 ბენეფიციარი ცხოვრობს. მათ შორის, ლტოლვილის სტატუსის მქონე 3, ხოლო ჰუმანიტარული სტატუსის მქომე 8 პირი.
თავშესაფარში მცხოვრებთა ძირითად ნაწილს სირიიდან ლტოლვილი ერაყის მოქალაქეები შეადგენენ - სულ 41 ბენეფიციარი, რომლებიც თავის დროზე ლტოლვილის სტატუსის მოთხოვნით ერაყიდან სირიაში გადავიდნენ და ბოლო დროს იქ განვითარებული მოვლენების შემდეგ იძულებულნი გახდნენ, ახალი თავშესაფარი მოეძებნათ.
მინისტრი თავშესაფრის მაძიებლებსაც გაესაუბრა და ქართულის გაკვეთილსაც დაესწრო, რომელიც ცენტრში თავშესაფრის მაძიებლებისა და მათი შვილებისთვის ტარდება.
როგორც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთ მინისტრმა დავით დარახველიძემ აღნიშნა, აღნიშნულ ცენტრს საზღვარზე გადმოსულ ლტოლვილთა 10-15 პროცენტი აკითხავს.
დავით დარახველიძე: „მ ეტაპზე თავშესაფრის მაძიებელთა ცენტრში ცხოვრობს 54 ლტოლვილი სხვადასხვა ქვეყნიდან. ძირითად არიან არაბულენოვანი ქვეყნებიდან. კვმაყოფილი დავრჩი იმ პირობებით, რომელიც სამინისტროს თანამშრომლებმა მათ შეუქმნეს. მათ აქვთ ნორმალური საყოფაცხოვრებო პირობები. ერთ მათგანს გააჩნია ლტოლვილიოს სტატუსი, დანარჩენების საკითხი განხილვის პროცესშია. ცენტრი გათვლილია 60 ადამიანზე. სტატისტიკით, საზღვარზე გადმოსულ ლოლვილთა 10-15 პროცენტი თავშესაფრის მაძიებელთა ცენტრს აკითხავს."
ცენტრში მაცხოვრებლებმა მინისტრთან საუბრისას მათი ლტოლვილობის მიზეზებზე ისაუბრეს და აღნიშნეს, რომ ცენტრში ნორმალურ პირობებში არიან.
მასალის გამოყენების პირობები