საზოგადოებრივი მაუწყებლის სამეურვეო საბჭომ არხის გენერალური დირექტორი გიორგი ბარათაშვილი თანამდებობიდან გაათავისუფლა.
როგორც სამეურვეო საბჭოს წევრები განმარტავენ, გიორგი ბარათაშვილმა ვერ შეძლო არხზე შექმნილი დაძაბული და არაჯანსაღი კლიმატის აღკვეთა, რაც საბოლოოდ მისი გათავისუფლების მიზეზი გახდა.
სამეურვეო საბჭომ მოუსმინა არხის საინფორმაციო სამსახურის ყოფილ ხელმძღვანელს ხათუნა ბერძენიშვილს, თუმცა აღინიშნა, რომ მისი სამსახურში აღდგენა საბჭოს კომპეტენციაში არ შედის.
შეგახსნებთ, რომ საზოგადოებრივი მაუწყებლის სამეურვეო საბჭომ გიორგი ბარათაშვილი გენერალური დირექტორად 2012 წლის 26 დეკმბრეს აირჩია.
ფარული კენჭისყრის შედეგად, საბჭოს 13 წევრიდან რვამ ხმა გიორგი ბარათაშვილის კანდიდატურას მისცა. 3 ხმა მიიღო ნათია აბრამიამ, 2 კი მეგი თავდუმაძემ.