მიკროავტობუსების მძღოლები, შესაძლოა, კვლავ გაიფიცონ. მძღოლების საინიციატივო ჯგუფის წევრები აცხადებენ, რომ ამ ეტაპზე "თბილისის მიკროავტობუსთან" შეთანხმება არცერთ საკითხზე მიღწეული არ არის, გარდა გათავისუფლებული მძღოლების სამუშაო ადგილებზე დაბრუნებისა.
საინიციატივო ჯგუფის წევრების ინფორმაციით, კომპანიასთან მოლაპარაკებები ამ დრომდე გრძელდება. იმ შემთხვევაში თუ "თბილისის მიკროავტობუსთან" შეთანხმებას ვერ მიაღწევენ, თბილისის მიკროავტობუსების მძღოლები გაფიცვას არ გამორიცხავენ.
ყვითელი მიკროავტობუსების მძღოლები იანვარში გაიფიცნენ. ისინი ინდმეწარმის სტატუსის გაუქმებას, ყოველდღიური გადასახადის შემცირებას, სამგზავრო ტარიფის 80-დან 50 თეთრამდე შემცირებას და მათთვის სასურველ ადგილზე ავტომობილების ტექნიკურ მომსახუსებას მოითხოვდნენ.