USAID-ის ფინანსური მხარდაჭერით, საქართველოს მოკლევადიანი ვიზიტით ესტუმრა ეგვიპტის ინვესტიციების განხორციელების სამინისტროს წარმომადგენელთა და ექსპერტთა დელეგაცია. ვიზიტის ფარგლებში, შეხვედრა გაიმართა შინაგან საქმეთა სამინისტროს რეფორმებისა და განვითარების სააგენტოსთან.
შსს-ს ინფორმაციით, შეხვედრაზე მხარეებმა შინაგან საქმეთა სამინისტროს რეფორმირების პროცესის შესახებ ისაუბრეს. ასევე განიხილეს სამინისტროში მიმდინარე მნიშვნელოვანი პროექტები და განვითარების პრიორიტეტული მიმართულებები.
ექსპერტებმა დადებითად შეაფასეს საპარლამენტო არჩევნების შემდეგ შინაგან საქმეთა სამინისტროში გატარებული რეფორმები: პოლიციის ეთიკის კოდექსი და სამინისტროს განვითარების მოკლევადიანი სტრატეგია.
