უფლებადამცველი თეა თუთბერიძე პროკურატურაში დაკითხვაზე იმყოფება. როგორც დაკითხვის დაწყებამდე თუთბერიძემ განაცხადა, პროკურატურას ბაჩანა ახალაიას წინააღმდეგ არანაირი მტკიცებულება არ გააჩნია და ცდილობენ რაიმე ხელჩასაჭიდი ნახონ.
,,გამოძახებას 12 ნოემბერს ველოდებოდი, როდესაც გავავრცელე ინფორმაცია, რომ დარასელიასა და კინწურაშვილზე განხორციელდა ზეწოლა, ბაჩო ახალაიას წინააღმდეგ ჩვენებების მიცემისთვის. სამწუხაროდ, პროკურატურა ამ ინფორმაციით მაშინ არ დაინტერესებულა და დაკითხვაზე ოთხი თვის შემდეგ მიძახებენ", -განაცხადა თუთბერიძემ.
შეგახსენებთ, რომ თუთბერიძის პროკურატურაში დაბარება იმ მოწმეებს უკავშირდება, რომლებმაც, მისი ინფორმაციით, ბაჩო ახალაიას ერთ-ერთ ეპიზოდში ჩვენება ზეწოლის შედეგად მისცეს.
