ბიძინა ივანიშვილის საქველმოქმედო ფონდმა "ქართუმ" საჩხერის საჯარო სკოლების დირექტორებს და პედაგოგებს პრემიების დარიგება შეუწყვიტა.
ფონდიდან ყოველთვიურად დირექტორებს 500-ლარიანი სახელფასო დანამატი ერიცხებოდათ, მასწავლებლებს კი 100-დან 300 ლარის ოდენობით.
პრემიების შეწყვეტის მიზეზები უცნობია საჩხერის საჯარო სკოლების თანამშრომლებისთვის.
ფონდ "ქართუს" გამგეობის თავმჯდომარე ნიკოლოზ ჩხეტიანი და განათლების მინისტრი გიორგი მარგველაშვილი პროგრამის შეწყვეტას ქვეყანაში მასწავლებელთა ხელფასების ზრდას უკავშირებენ.
