თურქეთის ტერიტორიაზე მდებარე ქართული კულტურული მემკვიდრეობის ძეგლების რეაბილიტაციისა და ბათუმში მეჩეთის მშენებლობის პროცესში საპატრიარქოც ჩაერთვება, _ აღნიშნულის შესახებ კულტურისა და ძეგლთა დაცვის მინისტრის მოადგილემ მარინე მიზანდარმა განაცხადა.
,,იშხნისა და ოშკის ტაძრების რეაბილიტაციის პროცესი დაწყებულია თურქეთის მხარის მიერ. ვფიქრობ, რომ ქართველი სპეციალისტების ჩასართავად ფინანსური სახსრები ქართულმა მხარემ უნდა გამონახოს", -განაცხადა მიზანდარმა და აღნიშნა, რომ რესტავრაციის პროცესში საპატრიარქოც იქნება ჩართული.
,,ამ საკითხზე პატრიარქს ვესაუბრე და რეაბილიტაცია-რესტავრაციის პროცესში საპატრიარქოც იქნება ჩართული", _განაცხადა მიზანდარმა.
შეგახსენებთ, რომ ოშკისა და იშხნის ტაძრების რეაბილიტაციასა და ბათუმში მეჩეთის მშენებლობის საკითხზე გადაწყვეტილება თურქეთში პრემიერ-მინისტრის ვიზიტის შედეგად იქნა მიღებული.
