ხვალ, 19 თებერვალს 16:00 საქართველოს პროფესიული კავშირების გაერთიანებაში, საქართველოში მოქმედი არასამთავრობო ორგანიზაციები და პროფესიული კავშირების გაერთიანების წარმომადგენლები ხელს მოაწერენ ერთობლივ მიმირთვას საქართველოს პარლამენტისა და მთავრობისადმი. მიმართვის ძირითადი ადრესატები, საქართველოს პარლამენტის თავმჯდომარე, ბატონი დავით უსუფაშვილი და საქართველოს პრემიერ მინისტრი, ბატონი ბიძინა ივანიშვილი არიან.
მიმართვა საქართველოს შრომის კოდექსში შესატან ცვლილებებს შეეხება. არასამთავრობო ორგანიზაციებსა და საქართველოს პროფესიული კავშირების გაერთიანებას მიაჩნია, რომ საქართველოს შრომის კოდექსი არაერთ ნაკლოვანებას შეიცავს და კოდექსში ცვლილებების შეტანა მნიშვნელოვანი და აუცილებელია.
