იუსტიციის მინისტრმა თეა წულუკიანმა მთავრობის სხდომის დასრულების შემდეგ სისხლის სამართლის საპროცესო კოდექსში შესატანი ცვლილებების შესახებ ისაუბრა. როგორც მინისტრმა განამარტა, მთავრობამ მიიღო გადაწყვეტილება, რომელიც თანახმად, ადვოკატს ექნება უფლება, დაცვის ქვეშ მყოფი პირის სახელით გაასაჩივროს სააპელაციო და საკასაციო წესით განაჩენები, მათ შორის აღკვეთის ღონისძიების შესახებ, რის უფლებაც აქამდე თვითონ არ ჰქონდა.
"ადვოკატს ასევე უფლება ექნება მოითხოვოს სასამართლოსგან ისეთი საგამოძიებო მოქმედებების ჩატარება, როგორიც არის ჩხრეკა და ამოღება. ადვოკატი ამას თავად ვერ გააკეთებს, თუმცა მას უნდა ჰქონდეს უფლება, მიმართოს სასამართლოს, რომ სასამართლომ განახორციელებინოს საგამოძიებო ორგანოს ამოღების თუ ჩხრეკის ქმედება. ეს დაცვის მხარეს ეკრძალებოდა. როდესაც საქმე ეხება პატიმრის ჯანმრთელობის მდგომარეობას, დღევანდელი ჩანაწერით მხოლოდ სახელმწიფო ექსპერტიზის დასკვნა მიიღება მხედველობაში. ჩვენ გვინდა, სიტყვა "სახელმწიფო" ამოვიღოთ კოდექსიდან და ყველა სერიოზულ, ლიცენზირებულ ექსპერტს მიეცეს საშუალება, დადოს კომპეტენტური დასკვნა პატიმრის ჯანმრთელობის მდგომარეობის შესახებ", - განაცხადა წულუკიანმა და აღნიშნა, რომ ცვლილების შემდეგ შემცირდება სასამართლო დარბაზში წესრიგის დარღვევისთვის დადგენილი ჯარიმის ზედა.
არსებული რედაქციის წესრიგის დარღვევისთვის მოქმედი კოდექსი 50-დან 5 000 ლარამდე ჯარიმას ითვალისწინებს. მთავრობის ინიციატივით კი, ჯარიმა 500 ლარამდე შემცირდება.
