15 თებერვალს საქართველოს სასჯელაღსრულების, პრობაციისა და იურიდიული დახმარების საკითხთა მინისტრი სოზარ სუბარი ევროპის საბჭოს გენერალური მდივნის მოადგილეს გაბრიელა ბატაინი დრაგონის და მის თანმხლებ პირებს შეხვდა.
შეხვედრაზე მინისტრმა ისაუბრა 2013 წლის 1 ოქტომბრამდე პენიტენციურ სისტემაში არსებულ პრობლემებზე და მათ გადასაჭრელად ახალი ხელისუფლების მიერ მიღებულ ზომებზე. პრობლემათა ჩამონათვალში შედიოდა სასჯელაღსრულების დაწესებულებების გადატვირთულობა, ცუდი პირობები, არაადეკვატური სამედიცინო მომსახურება და ა.შ.
ევროპის საბჭოს წარმომადგენლები დაინტერესდნენ ციხის სკანდალთან დაკავშირებით გამოძიების მიმდინარეობის მსვლელობით, ნარკოდამოკიდებული მსჯავრდებულების რაოდენობით და სამინისტროს კონკრეტული ხედვით აღნიშნულ პრობლემასთან მიმართებით ჯანდაცვის სამოქმედო გეგმის ფარგლებში, ასევე ზოგადად სამინისტროს მოკლევადიანი და გრძელვადიანი სტრატეგიული გეგმით.
შეხვედრაზე ხაზი გაესვა სამინისტროს და ევროპის საბჭოს სხვადასხვა პროგრამებს შორის წარმატებულ თანამშრომლობას და იმედი გამოითქვა თანამშრომლობის კიდევ უფრო გაღრმავებაზე და წარმატებულობაზე.
