ცხინვალში ნაწლავური ინფექცია მძვინვარებს. გუშინდელი დღიდან იქ არსებულ სამედიცინო დაწესებულებას 142 ადამიანმა მიმართა. წინასწარი ინფორმაციით დაავადების მიზეზი როტავირუსული ინფექციაა. ინფორმაციას ამის შესახებ რუსული მედია ავრცელებს.
ე.წ. რესპუბლიკური საავადმყოფოს ინფექციურ განყოფილებაში აცხადებენ, რომ ამჟამად ჰოსპიტალიზებულია 30 ბავშვი.
"ბავშვები ასაკი თვეებიდან 16 წლამდეა",_ აცხადებს ინფექციური განყოფილების გამგე ვარვარა კოზაევა.
მისივე თქმით, მიმართვების რაოდენობა იმდენად დიდია, რომ სხვა განყოფილებების თანამშრომლები ინფექციურ განყოფილებაში არიან გადაყვანილნი.
