15-16 თებერვალს თბილისი „განათლების მე-3 საერთაშორისო გამოფენას" უმასპინძლებს. როგორც სააგენტო „ჯი-ეიჩ-ენს" „ექსპო ჯორჯიადან" აცნობეს, გამოფენა "ექსპო ჯორჯიას" მე-11 პავილიონში გაიმართება და საგამოფენო სტენდებზე 85 ორგანიზაცია იქნება წარმოდგენილი.
გამოფენაში მონაწილეობას მიიღებენ საგანმანათლებლო ორგანიზაციები: უნივერსიტეტები, კოლეჯები და უმაღლესი სკოლები საქართველოდან და
ბრიტანეთიდან, თურქეთიდან, იტალიიდან, ლატვიიდან, ლიტვადან, მალაიზიიდან, პოლონეთიდან, რუსეთიდან, უნგრეთიდან და ჩეხეთიდან.
