11 თებერვალს, 12:00 საათზე არასამთავრობო ორგანიზაციების - „აფხაზეთი, ჩემი სახლი", „აფხაზეთიდან იძულებით გადაადგილებულ პირთა საერთაშორისო ორგანიზაცია", „აფხაზეთის ქალთა საბჭო", „ომის ბავშვები", „საქართველო - დევნილთა მხარდაჭერისთვის", „აფხაზეთის მეომართა კავშირი", „აფხაზეთიდან იძულებით გადაადგილებულ პირთა ასოციაცია", საზოგადოებრივი ორგანიზაცია „სამურზაყანო" და აფხაზეთის ინტელიგენციის წარმომადგენლები ხვდებიან აფხაზეთის უზენაესი საბჭოს თავმჯდომარეს გიორგი გვაზავას და აფხაზეთის უმაღლესი საბჭოს დეპუტატებს. შეხვედრის ძირითადი მიზანია, აფხაზეთის მთავრობის ამჟამინდელი თავმჯდომარის, გიორგი ბარამიასთვის უნდობლობის გამოცხადების საკითხის დასმა უზენაესი საბჭოს საგანგებო სხდომაზე და დეპუტატთა უზენაესი უფლების გამოყენებით, მისი უპირობო გადაყენება მთავრობის თავმჯდომარის პოსტიდან.