თბილისის მერს, გიგი უგულავას ეროვნულ ბიბლიოთეკასთან შეკრებილმა აქციის მონაწილეებმა სიტყვიერი და ფიზიკური შეურაცხყოფა მიაყენეს. აქციის მონაწილეებმა მას შენობაში შესვლის საშუალება არ მისცეს.
გიგი უგულავამ ეროვნული ბიბლიოთეკის მიმდებარე ტერიტორია დატოვა.
პრეზიდენტის გამოსვლა 18:00 საათზე უნდა დაწყებულიყო, თუმცა ჯერჯერობით პრეზიდენტი ეროვნულ ბიბილიოთეკაში არ მისულა.
ადგილზე მობილიზებულია პოლიცია. ეროვნული ბიბლიოთეკის შესასვლელ კარებთან პოლიტპატიმრებს გამოფენილი აქვთ ცოცხები, 7 ნოემბრის, 26 მაისის, ასევე, ჯაშუშობის ბრალდებით დაკავებული ფოტოგრაფების საქმესთან დაკავშირებული ფოტოები. ჯერჯერობით რაიმე ინციდენტს ადგილი არ ჰქონია. ადგილზე არიან ყინწვისის სპეცოპერაციასთან დაკავშირებით დაპატიმრებული პირები, ჯაშუშობის ბრალდებით დაკავებული ფოტოგრაფები, ტელეკომპანია "კავკასიაში" მომხდარი ინციდენტის მონაწილეები და პოლიტპატიმრები. აქციას ასევე შემოუერთდნენ რიგითი მოქალაქეებიც.
