დღეს, 8 თებერვალს, 10.00 საათზე ივ. ჯავახიშვილის სახელობის თბილისის სახელმწიფო უნივერსიტეტში თსუ-სა და საქართველოს ფინანსთა სამინისტროს შორის თანამშრომლობის მემორანდუმი გაფორმდება.
როგორც "ჯი-ეიჩ-ენს" თსუ-დან აცნობეს, დოკუმენტს რექტორი ალექსანდრე კვიტაშვილი და ფინანსთა მინისტრი ნოდარ ხადური მოაწერენ ხელს.
მემორანდუმის თანახმად, თსუ სტუდენტები ფინანსთა სამინისტროში გაივლიან სტაჟირებას და სასწავლო პრაქტიკას; უნივერსიტეტი კი საჭირო მეთოდოლოგიური მასალებით, წვრთნის მოდულებით და ბიზნესის ადმინისტრირებასთან დაკავშირებული სხვა ინტელექტუალური რესურსებით უზრუნველყოფს ფინანსთა სამინისტროს; განხორციელდება ერთობლივი პროექტები.