დღეს, 8 თებერვალს, 17.00 საათზე ივ. ჯავახიშვილის სახელობის თბილისის სახელმწიფო უნივერსიტეტში თსუ 95 წლის იუბილესადმი მიძღვნილი საზეიმო ღონისძიება გაიმართება.
როგორც "ჯი-ეიჩ-ენს" თსუ-დან აცნობეს, ღონისძიებას თსუ რექტორი ალექსანდრე კვიტაშვილი, მოწვეული სტუმრები -აღმასრულებელი და საკანონმდებლო ხელისუფლების, აკადემიური წრეების, დიპლომატიური კორპუსის, საზოგადოების წარმომადგენლები და სტუდენტები დაესწრებიან.
იუბილეს ფარგლებში უნივერსიტეტის განვითარებაში შეტანილი წვლილისთვის თსუ 6 პროფესორი ივ. ჯავახიშვილის სახელობის მედლით დაჯილდოვდება; გაიმართება წიგნის „რეტულიტი" პრეზენტაცია და ფოტოგამოფენა „მე უნივერსიტეტი". ანსამბლი „უნივერსიტეტი" და ჯგუფი „თსუ არტ" ღონისძიების მონაწილეებს ახალ მუსიკალურ ექსპერიმენტს შესთავაზებს. საიუბილეო საღამო საზეიმო მიღებით და თბილისის მერიის საკონცერტო ორკესტრის (ბიგ-ბენდის) კონცერტით დასრულდება.
თსუ-ს საიუბილეო წელი 2012 წლის 10 დეკემბერს გამოცხადდა, რომელიც 2 პროექტით -„UNI კადრი" და „სექტორი 12"-ით დაიწყო. საიუბილეო წელი მიმდინარე წლის შემოდგომაზე გალა ღონისძიებით დასრულდება.