იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე იძულებით გადაადგილებულ პირთა მიღებას უწყვეტ რეჟიმში აგრძელებს. სამინისტროს „ცხელ ხაზზე" ჩაწერილ დევნილებს მინისტრი ყოველი კვირის სამშაბათ დღეს 14-დან 19 საათამდე ხვდება და პირადად ეცნობა კონკრეტულ საჭიროებებს.
მინისტრთან მიღების დღეებზე მოსულ დევნილთა ძირითადი საჭიროება საცხოვრებელი ფართით დაკმაყოფილება, ფართის დაკანონება, საცხოვრებელი პირობების გაუმჯობესება და სხვა სოციალური საკითხებია. არაერთხელ დაფიქსირდა შემთხვევა, როცა დევნილმა მინისტრთან საუბრისას აღნიშნა, რომ მას ჭერი არ გააჩნია და თუ ფართს გამოუყოფენ, ნებისმიერ რეგიონში იცხოვრებს. მინისტრმა მსგავს შემთხვევებში კონკრეტულ პირებს ამ ეტაპისთვის არსებული შესაძლებლობა შესთავაზა - გარემონებული საცხოვრებელი ფართი რეგიონში, თეთრიწყაროში. რამდენიმე დევნილი ოჯახი აღნიშნულ შეთავაზებას დათანხმდა და ფართი მიიღო კიდეც.
არაერთი შემთხვევა დაფიქსირდა, როცა იძულებით გადაადგილებული პირი მინისტრთან მიღებაზე ხელმეორედ მოვიდა იმისათვის, რომ მინისტრისთვის მადლობა გადაეხადა. მიღებაზე მოსული დევნილები აღნიშნავენ, რომ ეს არის პირველი პრეცენდენტი, როდესაც მათ მიეცათ მინისტრთან, მშვიდ გარემოში, პირადად გასაუბრების შესაძლებლობა.
მინიტრმა დავით დახაველიძემ დევნილთა მიღების დღეები მინისტრად დანიშვნის შემდეგ დააწესა. კვირის სხვა დღეებში კი დევნილ მოსახლეობას მინისტრის მოადგილეები და დევნილთა დეპარტამენტის ხელმძღვანელები ხვდებიან.
