მისივე თქმით, ამ ქვეყანასთან დიპლომატიური ურთიერთობების არქონის პირობებში, საქართველოს ცოტა უკეთესად უნდა მოეფიქრებინა ფორმატი, რომელშიც რუსეთთან დიალოგს დაიწყებდა.
"უკიდურესად უსიამოვნო თემა არის ის, რომ ჩვენ რუსეთთან ე.წ. დიალოგს აღდგენა სერიოზული მომზადების გარეშე დავიწყეთ და ამას სრული სერიოზულობით ვამბობ. მარკ ტვენი ამბობდა, რომ მე კარგი ექსპრომტისთვის სამი კვირა მჭირდებაო და იმისთანა მძიმე თემა, როგორც საქართველო-რუსეთია დამეწრმუნეთ, სამ კვირას ნამდვილად არ იმყოფინებს. ბატონი ზურაბი ჩემი მეგობარია. მივესალმები რუსეთთან დიალოგის აღდგენის მცდელობას, მაგრამ თვითონ ფორმატი ცოტა უკეთესად უნდა მოგვეფიქრებინა. იმიტომ, რომ დიპლომატიური ურთიერთობების არქონის პირობებში, მაშინ როდესაც შვეიცარია გვიწევს კეთილ სამსახურს და არის ჩვენი შუამავალი, ამ პირობებში პირდაპირი დიალოგის დაწყება შეიძლება ზოგიერთ ასპექტში იყოს განხილული როგორც დე-ფაქტო ურთიერთობების აღდგენა. მე არ ვამბობ, რომ ეს ასე მოხდა, მაგრამ ეს შეიძლება ასე იყოს განხილული",- აცხადებს ვაშაძე და აღნიშნავს, რომ ამ ფორმატმა, შესაძლოა, დაასუსტოს ჟენევის ფორმატი, შეიძლება ამ ფორმატმა, შესაძლოა, დაასუსტოს საქართველოს არაღიარების პოლიტიკა თუკი ის შეინარჩუნებს ამ პოლიტიკას.
" იმიტომ, რომ დარწმუნებული იყავით, რომ რუსი დიპლომატები ყველა კონსულტაციებზე ახლა თავის პარტნიორებს უმეორებენ ერთ ფრაზას - ნუ მისცემთ ხმას ქართულ რეზოლუციებს გაეროში, ნუ დაუჭერთ მხარს საქართველოს პოზიცია ეუთოში, მოეშვით ამ რეზოლუციების გატანას ევროპის საბჭოში იმიტომ, რომ ჩვენ ქართველებთან ახლა გვაქვს პირდაპირი დიალოგი",- აცხადებს ვაშაძე.