საქართველოს მთავრობა ენგურის ხიდის რეაბილიტაციის პროექტთან დაკავშირებით UNDP-სთან თანამშრომლობს. ამის შესახებ რეინტეგრაციის საკითხებში სახელმწიფო მინისტრის მოადგილემ ქეთევან ციხელაშვილმა განაცხადა.
რეინტეგრაციის საკითხებში სახელმწიფო სამინისტროს ცნობით, საქართველო გაერო-ს განვითარების პროგრამასთან აქტიურად თანამშრომლობს.
"გაერო-ს განვითარების პროგრამასთან აქტიურად ვთანამშრომლობთ, მათ შორის, ენგურის ხიდის სარებილიტაციო სამუშაოებთან დაკავშირებით. მიგვაჩნია, რომ ეს არის ძალიან მნიშვნელოვანი პროექტი, რამდენადაც ჩვენი მოქალაქეების მიმოსვლის გაადვილებას უკავშირდება და მართლაც პრიორიტეტული ჰუმანიტარული საკითხია. ამდენად, გაერო-ს განვითარების პროგრამას პროექტის განხორციელებაში მაქსიმალურად ვუწყობთ ხელს", - განაცხადა ქათევან ციხელშვილმა.