,,ვუსმენ რა ჩემს კოლეგებს სურვილი მაქვს კვანტურ ფიზიკაზე ვისაუბრო", -განაცხადა კოალიცია ,,ქართული ოცნების" დეპუტატმა ირაკლი ჩიქოვანმა პარლამენტში სიტყვით გამოსვლისას და აღნიშნა, რომ ,,ნაციონალური მოძრაობის" წევრებს არ გააჩნიათ არგუმენტი, რომ შემოთავაზებული ცვლილება არ ემსახურება ქვეყანაში ნორმალური კონსტიტუციური მექანიზმის უზრუნველყოფას.
,,ვუსმენ რა ჩემს კოლეგებს სურვილი მაქვს კვანტურ ფიზიკაზე ვისაუბრო, რადგან ისინი საუბრობენ ყველაფერზე გარდა იმისა, რაც ჩვენ დღეს გვინადა ვისაუბროთ და მოვაწყოთ პოლიტიკური დებატები. ,,ნაციონალური მოძრაობის" მმართველობის პირობებში კონსტიტუცია ერგებოდა ერთი ადამიანის ნება-სურვილს, მის ტანს, მის ზომას, მის ოცნებებს, რომელიც, სამწუხაროდ, ვერ ხდება, მაგრამ მაინც მოახერხეთი ის, რომ კონსტიტუციაში დევს ისეთი რამ რაც ამ ადამიანს აძლევს საშუალებას ერთპიროვნულად გადაწყვიტოს ვინ უნდა მართოს ეს ქვეყანა. ვერცერთი თქვენგანი, რომელიც დღეს ამ ტრიბუნასთან გამოვიდა ვერ ამბობს იმას, რომ ეს ცვლილებები არასწორია. არცერთ თქვენგანს არ გააჩნია არგუმენტი, რომ შემოთავაზებული ცვლილებები არ ემსახურება ქვეყანაში ნორმალური კონსტიტუციური მექანიზმით უზრუნველყოფას", _განაცხადა ირაკლი ჩიქოვანმა.
