გულის ჯანმრთელობისთვის ხორცისა და თევზის მოხმარებას შეიძლება ფატალური შედეგი ჰქონდეს. ასეთ დასკვნამდე მივიდნენ ბრიტანელი მეცნიერები
კვლევებმა, რომელიც ინგლისა და შოტლანდიაში 44 500 ადამიანს ჩაუტარდა აჩვენა, რომ გულის დაავადების მხრივ ვეგეტარიანელებს 32%-ით ნაკლები შანსი აქვთ მოხვდნენ სავადმყოფოში ან გარდაიცვალონ, ვიდრე მათ ვინც ხორცს და თევზს მიირთმევს.
კვლევების შედეგები გამოქვეყნდა ამერიკულ ჟურნალში «Amercan Journal of Clinical Nutrition».
გულის დაავადება - დასავლეთის ქვეყნების ძირითადი უბედურებაა. ასე მაგალითად, დიდ ბრიტანეთში ყოველწლიურად გულსისხლ ძარღვთა დაავადებით 94 000 ადამიანი იღუპება. ეს უფრო მეტია ვიდრე ნებისმიერი სხვა დაავადება.
ოქსფორდის უნივერსიტეტის მეცნიერებმა გაანალიზეს 15 100 ვეგეტარიანელისა და 29 400 ადამიანის კვლევის შედეგები, რომლებიც მიირთმევდნენ ხორცს და თევზს..
11 წლის განმავლობაში გამოკვლეული 169 ადამიანი გულის დაავადებით გარდაიცვალა და 1066 გადაყვანილ იქნა სამკურნალოდ საავადმყოფოში. მათგან დიდი ნაწილია ის ვინც ხორცს და თევზს მიირთმევდნენ.
ექიმი ფრანჩესკა კროუ თვლის, რომ "დიეტა -გულის ჯანმრთელობის მნიშვნელოვანი პირობაა, მაგრამ მე არა ვარ მომხრე იმისა, რომ ყველა ვეგეტარიანულ დიეტაზე გადავიდეს".
"დიეტები ძალიან განსხვავებულია. ვეგეტარიანელები გაცილებით ნაკლებად იღებენ გაჯერებულ ცხიმებს, ამდენად გულის დაავადების რისკი ნაკლებია", - დასძენს ექიმი
შედეგებმა აჩვენა, რომ ვეგეტარიანელებს - დაბალი აქვთ არტერიული წნევა, "ცუდი" ქოლესტერინის დონე, ისინი ნაკლებს იწონიან.
განსხვავება ქოლესტერინის დონეს, არტერიულ წნევასა და სხეულის წონას შორის ვეგეტერიანელთა სასარგებლოდ მეტყველებს და გაიძულებს ჩაფიქრდე როგორ გაიუმჯობესო ჯანმრთელობა.
