დააკავეს ერთი მანქანა, რომელსაც საქართველოში კიბოთი დაავადებული კარტოფილი შემოჰქონდა, - ამის შესახებ განცხადება სოფლის მეურნეობის მინისტრმა, დღეს გამართულ პრესკონფერენციაზე გააკეთა.
„გუშინ დააკავეს ერთი მანქანა, რომელიც საქართველოში კარტოფილით დატვირთული შემოვიდა და რომელიც დაავადებული იყო კარტოფილის კიბოთი, რომელიც სრულ განადგურებას ექვემდებარება. ეს არის საკარანტინო დაავადება და შესაბამისად იმპორტიორ ქვეყანასაც ეცნობება ამის შესახებ. ეს ტვირთი კი დაყადაღებულია და მისი სრული განადგურება მოხდება"- განაცხადა მინისტრმა. აღსანიშნავია, რომ კიბოთი დაავადებული კარტოფილი საქართველოში თურქეთიდან შემოვიდა.
