,თბილისის ზღვისა და მცხეთის ტერიტორიაზე ჩინური ქალაქის აშენება იგეგმება", -აღნიშნულის შესახებ ჟურნალისტებთან "პრაიმ ტაიმის" პრესკლუბში სტუმრობისას ,,ქართული დასის" ლიდერმა ჯონდი ბაღათურიამ განაცხადა და აღნიშნა, პროექტზე ხელს მიხეილ სააკაშვილი აწერს.
" თბილისის ზღვისა და მცხეთის ტერიტორიაზე ჩინური ქალაქის აშენება იგეგმება. ხელი ამ ფარული ხელშეკრულებისთვის მოწერილი აქვს პრეზიდენტ სააკაშვილს. ამაში ჩართული არიან ზურაბ ადეიშვილი, ვანო მერაბიშვილი, ქალაქ თბილისის მერი გიგი უგულავა და ეროვნული ბანკის პრეზიდენტი გიორგი ქადაგიძე. პროექტის მიხედვით, თბილისის ზღვისა და მცხეთის ტერიტორიაზე 127 ათასი ჩინელი იცხოვრებს, მათ ექნებათ არჩევნებში ხმის უფლება და ისინი დაიკავებენ საქართველოს მოქალაქეების ადგილს", -განაცხადა ბაღათურიამ და პრესკონფერენციაზე ჩინურ ტელევიზიებში გასული პროექტის ამსახველი ვიდეო-მასალა წარადგინა.
