რუსმა ბიზნესმენმა, ალექსანდრე ლებედევმა და მისმა ვაჟმა ევგენიმ, კონკურსი მოიგეს, რითაც ბრიტანეთის დედაქალაქში ახალი ტელეკომპანიის, London Live-ის გაშვების უფლება მოიპოვეს. ლიცენზია 12 წელზეა გაცემული. მაყურებლისთვის ტელეარხი უფასო იქნება.
ლებედევებთან ერთად, ამ უფლებისათვის კიდევ ოთხი პრეტენდენტი, მათ შორის, ბრიტანეთის დედაქალაქის მერობის ექსკანდიდატი, სტივენ ნორისი და Channel 4-ის ყოფილი ხელმძღვანელი, ლუკ ჯონსონი იბრძოდნენ.
ახალი ტელეკომპანიის მუშაობის დაწყება მიმდინარე წლის სექტემბერში იგეგმება. ის ჯერ ინტერნეტში, ხოლო შემდეგ - საკაბელო არხზე გავა და მაუწყებლობა 18 საათის განმავლობაში ექნება.
გასულ თვეს, ალექსანდრე ლებედევმა რუსულ მედიასთან ინტერვიუში განაცხადა, რომ მთლიანად აპირებს საბანკო ბიზნესიდან გასვლას და საგამომცემლო პროექტებში ჩართვას. მისი თქმით, მისი ბანკი უახლოეს მომავალში, შესაძლოა, გაიყიდოს. ლებედევი, რომელიც „ფორბსის" მიხედვით, მსოფლიოს უმდიდრეს ადამიანთა რიცხვში შედის, ადრევე აცხადებდა, რომ მზადაა რუსეთში თავისი აქტივები რუსული სპეცსამსახურების ზეწოლის გამო გაყიდოს.
მასალის გამოყენების პირობები
