დედაქალაქის მერიაში თბილისის მერის გიგი უგულავას დაკითხვა დასრულდა.
გამომძიებლის თამარ კუჭავას განცხადებით, გიგი უგულავამ დაკითხვის დროს საქმიანად და მშვიდად ისაუბრა.
"ყველა დასმულ კითხვას უპასუხა, თუმცა გამოძიების ინტერესებიდან გამომდინარე, დაკითხვის დეტალებზე კომენტარს ვერ გააკეთებს", - განაცხადა კუჭავამ.
მისივე თქმით, უგულავა მოწმის სტატუსით დაიკითხა და მისივე სურვილით, ამ პროცესს ადვოკატი არ ესწრებოდა.
შეგახსენებთ. რომ პროკურორი ნუგზარ სალია და გამომძიებელი თამარ კუჭავა მივიდნენ გიგი უგულავას დასაკითხად თბილისის მერიაში თვად მივიდნენ. გიგი უგულავას დაკითხვა დედაქალაქის ბიუჯეტიდან 5 245 945 ლარის გაფლანგვის ფაქტზე მიმდინარე გამოძიებას უკავშირდება.
თბილისის მერმა, გიგი უგულავა გუშინ განცახადა, რომ ფინანსთა სამინისტროს საგამოძიებო სამსახურში დაკითხვაზე მისვლას არ აპირებს და გამომიძიებელს თავის კაბინეტში ელოდება. მან გამომძიებელს მოუწოდა დღეს 16:00 საათზე მისულიყო მერიაშია და ნებისმიერ კითხვაზე პასუხს გასცემდა. "თუ გამოძიებას ეს დრო არ აწყობს, მე ზეგ მივემგზავრები პრეზიდენტთან ერთად კონფერენციაზე და დაბრუნებისთანავე შევჯერდებით მომდევნო ურთიერთობის ფორმაზე. თუ ვინმეს ილუზია შეექმნა, რომ მე მივდივარ და აღარ დავბრუნდები, მინდა ვუთხრა მათ, რომ ამ სიამოვნებას მე ივანიშვილს, კბილაშვილს, წულუკიანს და ა.შ არ მივანიჭებ", - აღნიშნა გუშინ თბილისის მერმა.
შეგახსენებთ, რომ ფინანსთა სამინსიტროს საგამოძიებო სამსახური, შპს "თბილსერვის ჯგუფი" - ს საქმიანობას სწავლობს, რომელიც თბილისის მერიამ ქალაქის დასუფთავების მიზნით 2006 წელს დააფუძნა. გამოძიებით ამ დროისთვის დადგენილია, რომ 2009 წლის 31 დეკემბერს შპს "თბილსერვის ჯგუფის" იმჟამინდელმა გენერალურმა დირექტორმა გიორგი ხუჭუამ, მერიის დასუფთავების სამსახურის იმჟამინდელი უფროსის, ტარიელ ხიზანეიშვილის დავალებით, "ერთიანი ნაციონალური მოძრაობის" აქტივისტების მატერიალური უზრუნველყოფის მიზნით, ამ სამსახურში ფორმალურად შექმნა "საზოგადოებასთან ურთიერთობის განყოფილება", სადაც, 2 წლის განმავლობაში, ფიქტიურად დასაქმდა აღნიშნული პოლიტიკური პარტიის 764 აქტივისტი - ე.წ. პარტიული კოორდინატორი. უმეტესობას ამ სამსახურში არც ერთი დღე არ უმუშავია, რადგან ისინი, როგორც წესი, უკვე დასაქმებულები იყვნენ სხვადასხვა საბიუჯეტო ორგანიზაციებში და პრალელურად პარტიულ საქმიანობასაც ეწეოდნენ, თუმცა დედაქალაქის ბიუჯეტისთვის განკუთვნილი ასიგნებებიდან მათ ხელფასის სახით 5 245 945 ლარი დაერიცხათ. გამოძიებით ირკვევა, რომ 2010 წლის 6 აგვისტოს, "თბილსერვის ჯგუფის" საშტატო განრიგი და სახელფასო ფონდი დედაქალაქის მოქმედმა მერმა - გიგი უგულავამ დაამტკიცა. რაც შეეხება დასუფთავების სამსახურის ყოფილ უფროსს, ტარიელ ხიზანეიშვილს, იგი ამჟამად ვიცე-მერის თანამდებობას იკავებს.
