გაფიცული მძღოლები მერიასთან აქციას მართავენ და გიგი უგულავასთან შეხვედრას ითხოვენ. როგორც მძღოლები განმარტავენ თუ თბილის მერი არ შეხვდება ისინი უფრო რადიკალურ ზომებს მიიღებენ, თუმცა ამ ეტაპზე მძღოლები არ აკონკრეტებენ რას გულისხმობენ რადიკალური ზომების მიღებაში.
შეგახსენებთ, რომ ,,შესაძლოა ,,თბილის მიკროავტობუსის" ხელმძღვანელობამ გაფიცულ მძღოლებთან ხელშეკრულება გააუქმოს", -აღნიშნულის შესახებ კომპანიის დირექტორმა გიგა ჯაბიაშვილმა განაცხადა.
,,რამდენიმე დღეა კომპანია მოლაპარაკებებს აწარმოებს გაფიცულ მძღოლების საინიციატივო ჯგუფთან. ჩვენი მხრიდან გათვალისწინებული იქნა მათი მხრიდან წამოყენებული არაერთი მოთხოვა, თუმცა შეთანხმება მიღწეული ვერ იქნა. მათი ბოლო მოთხოვნა, რომ სრული ყოველდღიური გადასახადი შემცირდეს 50%-ით, რაც თითოეულ მძღოლზე შემოსავლის 300-ლარიდან-600-ლარამდე გაზრდას ითთვალისწინებს კომპანიას ფინანსურ ზარალს მოუტანს და ამის განხორციელება შეუძლებელი იქნება", -განაცხადა ჯაბიაშვილმა და აღნიშნა, რომ მიუხედავად ამისა, კომპანია მზად არის სამი დღის განმავლობაში აქტიური მოლაპარაკება აწარმოოს გაფიცულ მძღოლებთან, წინაღმდეგ შემთხვევაში ,,თბილის მიკროავტობუსი"' იძულებული იქნება გააუქმოს იჯარის ხელშეკრულება მძღოლებთან, გამოაცხადოს კონკურსი და აიყვანოს ახალი მძღოლები.
