"საკანონმდებლო მაცნედან " კოდიფიცირებული საკანონმდებლო აქტების ამობეჭვდა უფასო იქნება" , _აღნიშნულის შესახებ ჟურნალისტებთან იუსტიციის მინისტრმა თეა წულუკიანმა განაცხადა და მის კოლეგებს მოუწოდა დააფასონ "საკანონმდებლო მაცნეს" თანამშრომლების მუშაობა.
,,მინდა მივულოცო საზოგადოებას, იურისტებს და ჩვენს სტუდენტებს, რომ "საკანონმდებლო მაცნე" აღარ გადაახდევინებს მათ საფასურს კოდიფიცირებული საკანონმდებლო აქტების ამობეჭდვაში. ვგულისხმობ, კანონებს და სხვა მნიშვნელოვან საკანონმდებლო აქტებს, ყველასთვის უსასყიდლოდ იქნება ხელმისაწვდომი. ეს სიახლე მნიშვნელოვანია, რადგან მაშინ, როდესაც ჩვენ ვითხოვთ მოქალაქეებისგან დაიცვან კანონი, მათ ელემენტარულად უნდა ჰქონდეთ კოდიფიცირებულ დოკუმენტებზე წვდომა და იცოდნენ რა არის დადგენილი წესი", - განაცხადა თეა წულუკიანმა და აღნიშნა, რომ ამ დათმობით "საკანონმდებლო მაცნე" წელიწადში დაახლოებით ნახევარ მილიონ შემოსავალს დაკარგავს.
"ჩვენ გადავწყვიტეთ, რომ ეს შემოსავალი დაგვეთმო, რადგან მეორე მხარეს დგას საზოგადოების ინტერესი", - აღნიშნა წულუკიანმა.
