დევნილებმა არაერთ პრობლემაზე ისაუბრეს, რომელიც მათ წლებია აწუხებს. მათ შორის, ძირითად პრობლემებად ელექტროენერგიის საერთო მრიცხველები, საცხოვრებელი ფართის დაკანონება, კანალიზაციის მილების მოწესრიგება და ელექტროენერგიის საფასურის დავალიანება დაასახელეს. როგორც მინისტრმა დევნილებთან საუბრისას აღნიშნა, ინდივიდუალურ გამრიცხველიანებასთან დაკავშირებით კომპანიაში სამინისტრომ წერილი უკვე გაგზავნა და აღნიშნული საკითხი მოგვარდება. ასევე, სამინისტრო შუამდგომლობს დევნილებს, რომ მოხდეს დაგროვილი ელექტროენერგიის საფასურის გადანაწილება. რაც შეეხება სხვა პრობლებულ საკითხებს, დავით დახარველიძემ აღნიშნა, რომ დევნილ მოსახლეობას მაქსიმალურად გვერდით დაუდგება.

დევნილი მოსახლეობის თქმით, მათ დღემდე არცერთი მინისტრი შეხვედრიათ. „რამდენი წელია აქ ვცხოვრობთ და ჩვენი პრობლემებით არავინ დაინტერესებულა. ადრინდელი მინისტრები ერთხელაც არ მოსულან ჩვენთან შესახვედრად. გვიხარია, რომ ახალი მინისტრი დაინტერესდა ჩვენი პრობლემებით და ამობრძანდა. გავაცანით რა პრობლემები გვაქვს, კითხვებიც დავუხცით და იმედიანად ვართ. მთავარია, რომ კარგად დაიწყო, დევნილებთნ კომუნიკაცია აქვს და დევნილებისთვის ჩეკეტილი სამინისტრო გახსა"- აღნიშნა ლია ლიპარტელიანმა.

დავით დარახველიძე დევნილ მოსახლეობას ინტენსიურ რეჟიმში ხვდება. კომპაქტურ ჩასახლებებში ვიზიტის გარდა, მინიტრს სამინისტროში დაწესებული აქვს მიღების დღეები. მინისტრი მიღების დღეა სამშაბათი. დანარჩენ დღეებში კი დევნილებს მინისტრის მოადგილეები ხვდებიან. პარალელურად, სამინისტროში ფუნქციონირებს დევნილთა მისაღები ცენტრი, სადაც დევნილ მოსახლეობას სამუშაო დღეებში 10-დან 19 საათამდე ემსახურებიან.