კურსის მიზანია, საბანკო სფეროში კარიერის გაკეთების მსურველ და საბანკო საქმით დაინტერესებულ მსმენელს გააცნოს შემდეგი საკითხები: კომერციული ბანკების მუშაობის სპეციფიკა, ძირითადი საბანკო პროდუქტები და მომსახურების სახეები; კომერციული ბანკის, მისი ფილიალებისა თუ განყოფილებების სტრუქტურა, საბანკო სერვისის არსი; ბანკის თანამშრომლების თანამდებობრივი ინსტუქციები და უფლება-მოვალეობები; საბანკო პროდუქტების გაყიდვისა და კლიენტთა მომსახურების ხელოვნება; ცენტრალური ბანკი და მისი ფუნქციები.
კურსს სრულდება სტაჟირება საბანკო სექტორში, რომელიც მსმენელს აძლევს უნიკალურ საშუალებას გაიღრმავოს თავისი ცოდნა საბანკო სექტორში.
„პრივატბანკი" „მარკეტინგისა და მენეჯმენტის სკოლასთან" ერთობლივად 2009 წლიდან დღემდე ახორციელებს ტრენინგებსა და სტაჟირებას ბანკის სხვადასხვა ფილიალებში მთელი საქართველოს მასშტაბით. 2009 წლიდან დღემდე 700-ზე მეტმა მსმენელმა გაიარა სპეციალური ტრენინგი და შემდგომ სტაჟირება.
"მე პროფესიით არ ვარ ეკონომისტი, თუმცა საბანკო სექტორი და მისი მუშაობის სპეციფიკა ამ ბოლო პერიოდში ძალიან დამაინტერესა. ტრენინგის დასრულების შემდეგ ჩემი ცოდნა საბანკო სექტორის მიმართ გაფართოვდა, ხოლო სტაჟირებამ იმდენად საინტერესოდ ჩაიარა, ახლა ვაპირებ ჩემი ცოდნა ამ მიმართულებით უფრო გავაღრმავო. ვიგრძენი, რომ ეს ჩემი საქმეა. აქტიურად ჩავერთე ბანკის საქმიანობაშიც, ახალი კლიენტებიც მოვიზიდე და „პრივატბანკთან" დღემდე ვაგრძელებ აქტიურ თანამშრომლობას. მაქვს ბარათი, სადაც პატარ-პატარა ბონუსის სახით თანხაც მერიცხება. ეს ჩემთვის დიდი სტიმულია" - ასეთია კურსის დასრულების შემდეგ მაია ლომიძის შთაბეჭდილება.
ნათია გიორგობიანი კი ჩვენს კითხვაზე, რა მოგცათ «საბანკო საქმის" ტრენინგმა, გვპასუხობს: „ეს ის კითხვაა, რომელსაც დიდი სიამოვნებით ვპასუხობ, რადგან სკოლამ მთლიანად შემივსო ის ცოდნა, რომელიც მე ნამდვილად მაკლდა, აკლდა ჩემს საუნივერსიტეტო განათლებას. ტრენინგი, რომელიც მთლიანად გაჯერებულია პრაქტიკული საკითხებითა და ნიუანსებით, ძალიან დიდი ცოდნა მომცა, ხოლო ბანკში გატარებულმა სტაჟირების დღეებმა, მაგრძნობინა ამ პროფესიის მთელი ხიბლი. მე მინდა გავხდე წარმატებული ბანკირი. მარკეტინგისა და მენეჯმენტის სკოლამ კი პირველი გაბედული ნაბიჯი გადამადგმევინა"
ბექა ბუნტური კი ერთ-ერთი უნივერსიტეტის სტუდენტია და უკვე ბანკის თანამშრომელი: „ვერც კი წარმოვიდგენდი, რომ ბანკის ხელფასიანი თანამშრომელი გავხდებოდი, მაგრამ ამ ტრენინგმა ეს შანსი მომცა და მეც ის გამოვიყენე..."
კურსის პროგრამის, განრიგისა და ფასის შესახებ ინფორმაცია შეგიძლიათ ნახოთ აღნიშნულ მისამართზე: www.mmschoolgeorgia.com. ტრენინგზე რეგისტრაცია ხდება მხოლოდ მთავარ ოფისში "ტრენინგების სახლი". მისამართი: ილია ჭავჭავაძის 16; მე-2 სადარბაზო; პირველი სართული; დაგვიკავშირდით: 2 305 202; 5 57 001557; სკოლა გასცემს ქართულ-ინგლისურენოვან სერთიფიკატსა და სარეკომენდაციო წერილს! "მარკეტინგისა და მენეჯმენტის სკოლა" წარმატებულ კურსდამთავრებულებს გაუწევს რეკომენდაციას. უკვე ხუთი წელია სკოლის ხელშეწყობით უამრავმა დამწყებმა სპეციალისტმა შეიქმნა პროფესიული კარიერა.