შსს-ს სამხარეო მთავარი სამმართველოს ახმეტის რაიონული სამმართველოს თანამშრომლებმა, ცეცხლსასროლი იარაღის მართლსაწინააღმდეგო შეძენა-შენახვის ფაქტზე ფარნაოზ ჩ. და ოსმანა მ. დააკავეს.
სამართალდამცველებმა, ოსმანა მ-ს საცხოვრებელი ბინის ჩხრეკისას, ფარნაოზ ჩ-სგან, გარკვეული თანხის საფასურად, მართლსაწინააღმდეგოდ და უკანონოდ შეძენილი „აკმ"-ის სისტემის ავტომატური ცეცხლსასროლი იარაღი, ერთი მჭიდი და 60 საბრძოლო ვაზნა ამოიღეს.
საქმე საქართველოს სისხლის სამართლის კოდექსის 236-ე მუხლის I და II ნაწილებით აღიძრა. დანაშაული 3-დან 5 წლამდე პატიმრობას ითვალისწინებს. გამოძიებას შსს-ს კახეთის სამხარეო მთავარი სამმართველოს ახმეტის რაიონული სამმართველო აწარმოებს.
