,,შესაძლოა, ადგილობრივი თვითმმართველობის არჩევნების დროს კოალიცია არ დაიშალოს", - განაცხადა ჟურნალისტებთან პრემიერ-მინისტრმა, ლევან ბერძენიშვილის განცხადების კომენტირებისას და აღნიშნა, რომ თუ რა ფორმით მიიღებს მონაწილეობას ადგილობრივ არჩევნებში კოალიციაში შემავალი პარტიები მსჯელობა არ ყოფილა.
,,ძალიან საინტერესო მომავალი გველის. ჩვენ რეგიონებს მივცემთ ჭეშმარიტად დამოუკიდებლობას და Aახლა არ მოვყვები ამის შესახებ. თუმცა ეს არ გამორიცხავს იმას, რომ კოალიცია დარჩეს ერთიანი ადგილობრივი თვითმმართველობის არჩევნების დროს. რატომ თქვა ეს ლევანმა და რა თქვა კონკრეტულად არ ვიცი. ლევანს, ,,რესპუბლიკურ პარტიას" ან სხვა პარტიებს თუ ამის სურვილი გაუჩნდებათ საშუალება ექნებათ, რომ ყველა პარტიამ ადგილობრივ არჩევნებში დამოუკიდებლად მიიღოს მონაწილეობა. თუმცა კოალიციის დონეზე ამის განხილვა არ ყოფილა. ჩვენ კოალიციას ვინარჩუნებთ. იმ შემთხვევაში თუ რეალურად გარე ოპოზიცია არ გვეყოლება და ეჭვიც სერიოზულია რამდენადაც ,,ნაციონალური მოძრაობა", პრაქტიკულად, ელექტორატს ვეღარ ფლობს და ალბათ მომავალ არჩევნებში სუსტი წარმომადგენლობა იქნება იქნებ, ეს ჰქონდა ბატონ ლევან მხედველობაში", _განაცხადა ივანიშვილმა.
შეგახსენებთ, რომ უმრავლესობის ერთ-ერთი ლიდერის ლევან ბერძენიშვილის განაცხადებით, 2014 წლის ადგილობრივ არჩევნებზე კოალიციაში შემავალი პარტიები დამოუკიდებლად მიიღბენ მონაწილეობას.