სოფლის მეურნეობის სამინისტრო და შპს "მექანიზატორი" მთელი ქვეყნის მასშტაბით აცხადებს ტრაქტორის მემანქანეთა 900 ვაკანსიას.
"გიწვევთ მექანიზატორთა გადამზადების პროგრამაზე, რომლის წარმატებით დასრულების შემდეგ, დასაქმდებით 2013 წლის გაზაფხულიდან", - მიმართავს სამინიტრო დასაქმების მსურველებს.
სამინისტროს ინფორმაციით, საბუთების მიღება წარმოებს 3-დან 15 იანვრამდე რაიონებში განთავსებულ სურსათის ეროვნული სააგენტოსა და შპს "მექანიზატორის" მომსახურების ცენტრებში.
