ეკონომიკისა და მდგრადი განვითარების მინისტრი მიიჩნევს, რომ დაპირისპირება საქართველოს პრეზიდენტსა და პრემიერ-მინისტრს შორის, რომელიც ხშირად ირონიასა და ცინიზმში გადადის, ინვესტორებისთვის უარყოფითი მესიჯი შეიძლება გახდეს.
„სამწუხაროდ, ამ დაპირისპირების სათავე არამგონია, რომ პრემიერ-მინისტრში იყოს. ვფიქრობ, რომ თავის დროზე ცოტა მეტი თვითკრიტიკა, რომ გვეხილა წინა ხელისუფლების მხრიდან ასეთ დაპირისპირებას თავიდან ავიცილებდით. სამწუხაროდ ეს თვითკრიტიკა დღეს არ არის და გამომდინარე აქედან ის ვითარება, რომელშიც ჩვენ ვიმყოფებით ნორმალური არ არის. არამგონია, რომ ეს ინვესტორებისთვის კარგი იყოს. თუმცა კიდევ ერთხელ ვიტყვი, რომ ამის თავი და თავი არ არის ჩვენი მთავრობა და პრემიერ-მინისტრი. ნებისმიერი ინფორმაცია, რომელიც ჩვენგან შესაძლოა კითხვად დაისვას და პასუხი გაეცეს, სამწუხაროდ უარყოფითი პიარის სახით გადის გარეთ. ჩვენ გვიწევს მუდმივად მოპასუხის რეჟიმში ყოფნა და აქედან გამომდინარე ეს არის პრემიერ-მინისტრის რექცია"- აცხადებს გიორგი კვირიკაშვილი.
