ეკონომიკისა და მდგრადი განვითარების სამინისტრო ლიზენციების მოსაკრებლის კორექტირებაზე მუშაობს. როგორც ეკონომიკისა და მდგრადი განვითარების მინისტრმა განმარტა, მის უწყებაში შექმნილია უკვე სპეციალური კომისია, რომელიც ამ მიმართულებით მუშაობს.
„სახელმწიფოს კანონის ძალით შეუძლია და ვალდებულიცაა განსაზღვროს ის სწორი მოსაკრებელი, რომელიც ნებისმიერმა სახელმწიფომ უნდა მიიღოს იმისათვის, რომ კომპანიას ბუნებრივი რესურსების ათვისების უფლება მისცეს. სწორედ ამ მიმართულებით, კომისია, რომელიც შეიქმნა მუშაობს, რათა შეისწავლოს რამდენად ადექვატურია ამა თუ იმ ბუნებრივ რესურსზე დაწესებული მოსაკრებელი. აქ საუბარია საკანონმდებლო ინიციატივაზე, რადგანაც ყველაფერი კანონითაა განსაზღვრული"- განმარტავს კვირიკაშვილი. მისივე ინფორმაციით, თუ კი სამინისტრო და ზოგადადა აღნიშნულ საკითხზე მომუშავე კომისია მივიდა იმ დასკვნამდე, რომ ესა თუ ის მოსაკრებელი ადექვატური, მაშინ კვირიკაშვილი არ გამორიცხავს, რომ საკანონმდებლო ინიციატივით შევიდეს და მოსაკრებლის ოდენობა შეიცვალოს.
