ახალი მთავრობა პრივატიზაციის პროცესს არ აჩერებს. როგორც დღეს ეკონომიკისა და მდგრადი განვითარების მინისტრმა გიორგი კვირიკაშვილმა განმარტა, სახელმწიფო ქონების ეროვნული სააგენტოს ბალანსზე არსებული კომპანიების უდიდესი ნაწილი პრივატიზაციას დაექვემდებარება.
"სახელმწიფო ქონების ეროვნული სააგენტოში შემავალი სახელმწიფო საწარმოების რაოდენობა დაახლოებით 447-მდეა. უმეტესობა მათგანი პრივატიზაციას ექვემდებარება. მათ შორის არიან საწარმოები, რომლებიც პრივატიზაციას არ ექვემდებარება, მაგალითად „საქაერონავიგაცია", სატელევიზიო ანძის მმართველი კომპანია „ალფაკომი", „გაერთიანებული აეროპორტები" და სხვა. ჩვენი პრიორიტეტია, რომ ამ კომპანიების უმეტესობის პრივატიზაცია მოხდეს და არცაა მიზანშეწონილი, რომ ამ კომპანიებს სახელმწიფო მართავდეს", - განმარტავს მინისტრი.
აღსანიშნავია, რომ გარდა სახელმწიფო ქონების ეროვნული სააგენტოს ბალანსზე არსებული კომპანიებისა არსებობს სტრატეგიული დანიშნულების ობიექტები, რომლის გასხვისებასაც სახელმწიფო არ აპირებს. ასეთი სტრატეგიული ობიექტები კი დღეს
„საპარტნიორო ფონისთვის" ბალანსზე ირიცხება.
